U rrezikohej jeta për shkak të dallgëve, shpëtohet ekuipazhi i mjetit lundrues

Policia Kufitare e Durrësit ka mundur të shpëtojë 2 pjesëtarë të ekuipazhit të një mjeti lundrues (çisternë uji), të cilëve po iu rrezikohej jeta në det, për shkak të dallgëve të larta dhe erës së fortë.

Mjeti lundrues i tyre, gjatë tërheqjes nga një rimorkiator, për ta nxjerrë në radë, u fundos  për shkak të dallgëve të larta dhe erës së fortë.

Menjëherë pas marrjes së informcionit se dy personave në fjalë po u rrezikohej jeta, policia kufitare ka shkuar në vendngjarje dhe ka bërë shpëtimin e tyre.

“Shërbimet e Policisë Kufitare të portit të Durrësit, menjëherë pas marrjes së këtij njoftimi, organizuan punën me qëllim ardhjen në ndihmë shtetasve J. A., 27 vjeç dhe M. T., 64 vjeç, të dy banues në Durrës, pjesëtarë të ekuipazhit të një mjeti lundrues (çisternë uji).

Falë ndërhyrjes së menjëhershme dhe angazhimit profesional të punonjësve të Policisë Kufitare, me mjetin e tyre lundrues, u bë e mundur nxjerrja në breg të detit, e të dy shtetasve, në gjendje të mirë shëndetësore.

Ndërsa mjeti lundrues (çisternë uji) që tërhiqej nga një mjet rimorkiator, me qëllim kryerjen e furnizimit me ujë, sipas kerkesës së paraqitur për furnizim bordi me ujë në një anije, u fundos për shkak të dallëve të larta”, thuhet në njoftimin e policisë.

LEXONI GJITHASHTU: 

• Gjendet i vetëvarur në banesë një person në Tiranë
• “Iku të lexonte”, prindërit rrëfejnë bisedën e fundit me Latën: I thamë rri, por..
• Biden i nënshtrohet operacionit për heqjen e tumorit, ja si shfaqet gjendja e tij