U shkarkua nga posti i zv.kryeministrit, PS propozon detyrën e re për Arben Ahmetaj

Arben Ahmetaj u shkarkua pak kohë më parë nga posti i zv.kryeministrit për t’u zëvendësuar nga Belinda Balluku.

Gjatë seancës së të enjtes Arben Ahmetaj u propozua nga grupi parlamentar i PS për postin e anëtarit të Komisionit për Integrimin Europian.

“Kreu i grupit të PS ka kërkuar caktimin e zotit Arben Ahmetaj si anëtar i Komisionit për Integrimin Europian”, u shpreh kryetarja e Kuvendit Lindita Nikolla.

Shkarkimi i Arben Ahmetajt nga posti i zv. kryeministrit u votua me 103 vota pro dhe 3 kundër në seancën e 29 korrikut.

3 deputetët e LSI që ishin në sallë, Petrit Vasili, Monika Kryemadhi dhe Erisa Xhixho votuan kundër shkarkimi të tij.

LEXONI GJITHASHTU:

• Tre deputetët e Metës që votuan kundër shkarkimit të Arben Ahmetajt
• Shkarkohet Arben Ahmetaj, Belinda Balluku emërohet zv.kryeministre