U thirr nga SPAK, Meta: Asnjë institucion nuk mund të më bëjë presion

Kryetari i Partisë së Lirisë, Ilir Meta zhvilloi mbrëmjen e së enjtes një takim me strukturat e kësaj force politike në qytetin e Elbasanit.

Në këtë takim, tërhoqi vëmendje prezenca e Luçiano Boçit, nënkryetar i PD-së, njëkohësisht kandidat për Bashkinë e Elbasanit.

Për, mediat Meta u shpreh se Elbasani per shkak të keqqeverisjes aktuale renditet si bashkia e parafundit në nivel ekonomik dhe me Luçiano Boçin në krye për Elbasanin do të nisë një faqe e re historie për këtë qytet.

I pyetur për thirrjet nga SPAK, ai u shpreh se nuk ka institucion që të mund t’i bëjë presion Ilir Metës.

“Sa herë të më thërrasë SPAK do shkoj. SPAK krenohet sot me denoncimet dhe kallëzimet e mia dhe të Partisë së Lirisë. Mendova se isha thirrur në cilësinë e kallëzuesit për disa nga aferat e rënda që kam kallëzuar. Sa i përket cështjes për të cilën u thirra, kam zero shqetësim sepse s’kam asnjë lidhje”, theksoi ai.

LEXONI GJITHASHTU

• Berisha: Jemi në një revolucion, Rama është i interesuar për dhunë
• “Qetësohuni”, Alibeaj mesazh grupit të Berishës për 3 marsin: E drejta do të fitojë
• Gazetari: Nëse Alibeaj merr vulën e PD-së, rikthehet Basha