Gazetari: Nëse Alibeaj merr vulën e PD-së, rikthehet Basha

Gazetari Aleksandër Çipa thotë se ka dy opsione në lidhje me çështjen e mbetur pezull në gjykatë, për vulën e Partisë Demokratike.

Në një intervistë për Euronews Albania, Çipa u shpreh se opsioni i parë është që vulën ta marrë Enkelejd Alibeaj dhe nëse kjo do të ndodhë, ish-kryedemokrati Lulzim Basha do të rikthehet në politikën aktive.

Sipas tij, opsioni i dytë është që vulën ta mbajë Sali Berisha, megjithatë, Çipa shtoi se ish-kryeministri do e ketë të vështirë që ta mbajë partinë të bashkuar.

“Unë mendoj që janë dy opsione,të cilat janë pohuar zyrtarisht nga palët sipas interesit të tyre. Një opsion, është që i njihet e drejta e posedimit të logos dhe vulës nga vektori i zotit Alibeaj. Nëse kjo do të ndodhë, unë mendoj që grupi i të heshturve, përfshi edhe zotin Basha do të kenë një moment të ri të shfaqjes dhe artikulimit dhe aksionit të tyre politik, që pashmangshmërishtdo të jetë i ndryshëm nga ai i zotit Berisha.

Opsioni i dytë, në këndvështrimin tim është, nëse zotit Berisha do t’i jepet kjo mundësi, përsëri problemi dpo të jetë i hapur, sepse zoti Berisha do e ketë të vështirë të realizojë objektivin e fitores. Faktorët brenda partisë dhe faktorët e tjerë do të jenë një arsye pse nuk do të shkohet te fitorja që pretendon zoti Berisha”, theksoi ai.

LEXONI GJITHASHTU

• Bie mbështetja për ‘revolucionin’, shumë pak parti aleate po përkrahin Berishën
• Kërcënon Berisha: Për tre minuta do jemi në sallë, nëse gjykata vendos sipas Ramës
• Berisha kërcënon Ballën: Njoftove vendimin e gjykatës, por ne do të kapim dhe…