U vetëvar me lidhësen e kapuçit, policia: 31-vjeçari nuk u dhunua në Komisariat

31-vjeçari Ilvi Meta ka kryer vetëvrasje duke përdorur lidhësen e kapuçit të bluzës që mbante veshur, duke gjetur më pas dhe vdekjen.

Agjencia e Mbikëqyrjes policore përmes një njoftimi zyrtar thotë se pas mbikëqyrjes së viktimës nga ekspertë mjeko-ligjorë nuk janë konstatuar shenja dhune.

Nga hetimet paraprake ka rezultuar se punonjësit që kanë pasur për detyrë mbikëqyrjen dhe mbajtjen në kontroll të shtetasit Ilvi Meta gjatë kohës që ai ka qenë i shoqëruar/ndaluar në ambientet e Komisariatit të Policisë Kavajë, nuk kanë përmbushur detyrimet sipas ligjit, thuhet në njoftimin e AMP.

“Trajtimi dhe sigurimi i personave të arrestuar/ndaluar në ambientet e Policisë së Shtetit, evidentimi dhe zgjidhja e kërkesë/ankesave të tyre” miratuar me Urdhër nr.925, datë 19.07.2019 të DPPSH. Pas marrjes dhe vlerësimit të provave në kuadër të këtij hetimi dyshohet se këta punonjës me veprimet dhe mosveprimet e tyre kanë shpërdoruar detyrën, duke mos marre masa për parandalimin e ngjarjes”, thuhet nw njoftimin e AMP.

3 efektivë të Komisariatit të Kavajës u arrestuan nga policia në orët e para të mëngjesit të së enjtes.

Bexhet Berberi, Rushit Kola dhe Petrit Brahimaj akuzohen për për shpërdorim detyre lidhur me vdekjen e 31-vjeçarit në ambientet e këtij komisariati.

LEXONI GJITHASHTU:

• Arrestohen 3 policë për vdekjen e 31-vjeçarit në Komisariatin e Kavajës
• 31-vjeçari vret veten në Komisariatin e Kavajës