U vonua BE, apo Shqipëria për çeljen e negociatave, Ditmir Bushati: Faj i dyanshëm

Ish-ministri i jashtëm, Ditmir Bushati ishte i ftuar këtë të martë në Now me Erla Mëhillin për të diskutuar rreth procesit të integrimit të Shqipërisë në Bashkimin Europian.

Sot pas 33 vitesh trokitje, insistim, premtime, zhgënjime, shampanjash politike që hapeshin në Tiranë e mbylleshin në Bruksel, Bashkimi Europian çeli zyrtarisht derën për Shqipërinë, duke nisur Konferencën Ndërqeveritare për grup-kapitujt e parë.

I pyetur për shtyrjen e afateve për çeljen e negociatave për integrimin në BE, Bushati sqaroi se si BE, ashtu edhe politika shqiptare kanë ndikuar në këtë proces.

Sipas tij, BE nuk e ka materializuar qartësisht qëndrimin lidhur me vullnetin  për anëtarësimin e Shqipërisë në union, ndërsa politika ka humbur shumë kohë.

Kjo sepse vetë aktorët politikë janë fokusuar më tepër në adresimin e fajit tek njëra palë ose tjetra, sesa tek puna e përbashkët për çeljen e negociatave.

“Faji është i dyanshëm. Ka momente që Bashkimi Europian nuk e ka materializuar në një vullnet të qartë politik qasjen strategjike që në fakt europianëve ja imponoi presienti Bush, kur në 91-shin foli për një Europë të lirë. Nga ana tjetër ka një faj edhe politika shqiptare që kryesisht për shkak të trenave dhe stacioneve të njëpasnjëshëm që kemi humbur, jua kemi vendosur fajin njëri-tjetrit,” –tha Bushati.

LEXONI GJITHASHTU:

• Shqipëria çel negociatat e para me BE, Albin Kurti ndan mesazhin e urimit
• Shqipëria çel grup-kapitullin e parë të negociatave me BE, çfarë do trajtohet