U vra në burg, familjarët e Arben Leshit refuzojnë të tërheqin trupin: S’është ai

Familjarët e Arben Leshit, i cili u vra rreth 3 muaj më parë në burgun e Peqinit kanë ngritur dyshime se viktima nuk është u afërm i tyre.

Ata kanë refuzuar të tërheqin trupin nga morgu dhe ta varrosin, duke pretenduar se viktima s’ka lidhje me ta.

Në këto kushte, Prokuroria ka tentuar të identifikojë viktimën përmes gjurmëve të gishtave, proces i cili ka rezultuar i pamundur, 3 muaj pas vdekjes.

Tashmë prokuroria do të identifikojë viktimën duke krahasuar AND me familjarët e tij.

Pas identifikimit, në rast se familjarët ende refuzojnë varrimin, do t’i jepet leja bashkisë për ta kryer atë.

Dyshohet se familjarët kanë refuzuar trupin nga frika e një hakmarrje të mundshme.

Viktima Arben Lleshi ishte dënuar përjetësisht për vrasjen dhe më pas djegien e Agim Hoxhës në Britaninë e Madhe në 2012. Pas kësaj ngjarjeje, familja Lleshi humbi dhe 4 pjesëtarë.

Arben Lleshi u vra në burgun e Peqinit në dhjetor të vitit 2023 nga Sokol Mjacaj. Prokuroria dyshon se bëhet fjalë për një vrasje me pagesë, por ende nuk ka mundur të identifikojë porositësit.

LEXONI GJITHASHTU:

• Lirohen policët e arrestuar për vrasja e Arben Lleshit në burgun e Peqinit
• Vrasja e Arben Lleshit në Peqin, avokati zbulon problematikat në burgje