U vranë në luftë, Rusia i dorëzon Kievit mbi 1,000 trupa të ushtarëve ukrainas

Rusia i ka dorëzuar këtë të enjte sot Ukrainës 1,000 trupa të ushtarëve ukrainas të vrarë në beteja. Shërbimi ukrainas përgjegjës për të burgosurit e luftës konfirmoi se një mijë trupa u kthyen në Ukrainë.

Hetuesit dhe specialistët nga Ministria e Brendshme ukrainase do të fillojnë punën për identifikimin e trupave. Në total, më shumë se 15,000 trupa janë dorëzuar nga Rusia në Ukrainë që nga fillimi i luftës. Kievi ka kthyer disa qindra trupa në Moskë në të njëjtën periudhë.

Shkëmbimet e trupave të ushtarëve të vdekur dhe të robërve të luftës janë rezultati i vetëm i negociatave midis Ukrainës dhe Rusisë, më shumë se tre vjet e gjysmë pas fillimit të luftës. Në shkurt, presidenti ukrainas Volodymyr Zelensky tha se vendi i tij kishte humbur gati 46,000 ushtarë që nga viti 2022.

LEXONI GJITHASHTU:

• Evropa bën thirrje për rol në bisedimet për një armëpushim midis Ukrainës dhe Rusisë
• Gjykata spanjolle dënon Meta-n për konkurrencë të padrejtë