U zgjodh të drejtojë Bashkinë e Himarës, reagon për herë të parë Blerina Bala

Blerina Bala ka bërë reagimin e parë pas zgjedhjes nga Këshilli Bashkiak si kryetarja në detyrë e Bashkisë Himarë, e cila do ta mbajë këtë post deri në zgjedhjet e ardhshme lokale.

Bala në reagimin e saj shpreh falenderimin për besimin e dhënë nga Këshilli Bashkiak dhe shton se fokusi i punës në vijim do të jetë përmbushja e objektivave për një sezon sa më të sukseshëm turistik.

“Së pari më lejoni të bëj një falenderim të veçantë për besimin që më është dhënë sot. Në muajt në vijim fokusi i bashkisë Himarë do te jetë i përqëndruar në punë me qëllim përmbushjen e objektivave dhe synimeve, sidomos referuar sezonit turistik. Jam e ndërgjegjshme që asnjë punë nuk bëhet vetëm, ndaj mendoj se pas 10 muajsh të vështirë, Himara meriton që midis aktorësh vertikal dhe horizontal, të ketë bashkëpunim sa më të ngushtë e mbështetje sa më të madhe. Ju faleminderit”, deklaroi në një reagim me shkrim Bala.

Kujtojmë se Bala, u zgjodh me 15 vota në mbedhjen e Këshillit Bashkiak, nga 9 që ka Partia Socialiste në këtë bashki. Në momentet e fundit përpara votimit pati një tërheqje nga votimi të nënkrytarit tjetër të PS në këtë bashki, Previn Gjikuria.

LEXONI GJITHASHTU:

• Përplasje në Himarë, qyetetarët ndërpresin mbledhjen e Këshillit Bashkiak
• Zgjidhet kryetarja e re e Bashkisë Himarë