U zunë për motive të dobëta, 41-vjeçari plagos me sende të forta një person! Arrestohet autori në Vlorë

Një ngjarje e paprecedentë ka ndodhur ditën e djeshme në qytetin e Vlorës, ku dy persona janë konfliktuar për motive dobëta me njëri-tjetrin. Nga sherri ka mbetur i plagosur shtetasi G.M 48-vjeç, i cili po merr ndihmën mjekësore në Spitalin e Traumës.

Sipas raportimeve nga policia, këtë të enjte është arrestuar autori që ka plagosur 48-vjeçarin me grushte dhe me sende të forta, shtetasi G.P., 41 vjeç, për veprën penale “Plagosja e rëndë me dashje”.

“Specialistët e Seksionit për Hetimin e Krimeve të Rënda të DVP Vlorë arrestuan në flagrancë për veprën penale “Plagosja e rëndë me dashje”, shtetasin G. P., 41 vjeç, banues në Sarandë, pasi dje, gjatë një konflikti për motive të dobëta, ka goditur me grushte dhe me sende të forta, shtetasin G. M., 48 vjeç, banues në Konispol, i cili po merr mjekim në Spitalin e Traumës. 

Materialet procedurale iu referuan Prokurorisë së Vlorës dhe të Sarandës, për veprime të mëtejshme”, thuhet në njoftimin e policisë.