Ukraina dënon komentin e Macron për të ‘mos turpëruar Rusinë’

Ministri i Jashtëm i Ukrainës, Dmytro Kuleba ka dënuar komentin e bërë nga Presidenti francez, Emmanuel Macron, i cili tha të shtunën se Rusia nuk duhet turpëruar për pushtimin e Ukrainës.

Macron insiston se Putin ka bërë “një gabim historik”, por sipas tij është e rëndësishme që Rusia të mos turpërohet ditën që luftimet do të ndalen dhe kërkoi që kjo të arrihet përmes kanaleve diplomatike.

Kuleba duke iu përgjigjur kësaj deklarate të Macron tha se thirrjet për të shmangur turpërimin e Rusisë vetëm sa turpërojnë Francën dhe çdo vend tjetër që bën thirrje për një gjë të tillë.

“Rusia ka turpëruar veten”, tha Kuleba duke bërë thirrje që të punohet për t’i dhënë fund lutës dhe shpëtuar jetë.

Presidenti ukrainas, Zelenski në një përgjigje për komentin e Macron tha se është Putin që jep urdhra për të vrarë fëmijë dhe djegur kisha dhe kjo padyshim që e turpëron para gjithë botës.

Macron është përpjekur që të dialogojë me Putin që prej 24 kushtit kur Moska nisi pushtimin e Ukrainës si dhe të tentojë të luajë rolin e ndërmjetësit.