Ukraina mund të humbasë deri në 100 jetë çdo ditë, thotë Zelenski

Ukraina mund të humbasë 50-100 jetë çdo ditë në luftën që po zhvilohet në pjesën lindore të vendit kundër forcave ruse.

Kështu deklaroi presidenti ukrainas Volodimir Zelenski gjatë një konference të përbashkët për shtyp me homologun polak Andrzej Duda,  të dielën nga Kievi.

Ai tha se të vrarët po mbronin Ukrainën në “drejtimin më të vështirë”, raporton BBC.

Zelenski nuk dha më shumë detaje, por deklarata e tij duket se është një referencë për humbjet ushtarake dhe një shenjë se sa të ashpra janë luftimet në lindje.

Forcat ruse kanë shtuar përpjekjet e tyre për të kapur qytete në rajonin lindor të Donbasit, me fokus në qytetin Severodonetsk.

LEXONI GJITHASHTU

• Mbretëria e Bashkuar: Rusia po humbet trupa si në luftën e Afganistanit
• Popullsia globale e refugjatëve arrin 100 milionë për herë të parë, sipas OKB