Parlamenti i Ukrainës ka votuar në favor të ndalimit të një pjese të muzikës ruse në media dhe hapësira publike.
Ndalimi lidhet më tepër me muzikën e krijuar dhe realizuar nga ata që janë ose kanë qenë shtetas rusë pas vitit 1991.
Artistët që kanë dënuar luftën e Rusisë në Ukrainë mund të aplikojnë për një përjashtim nga ky vendim.
Sipas legjislacionit do të ndalohet edhe importi i librave nga Rusia dhe Bjellorusia, raporton BBC.
Shumë nga ata që jetojnë në zonat e Ukrainës lindore dhe jugore kanë ndjerë historikisht një lidhje të fortë me Rusinë, duke folur shpesh rusishten si gjuhën e tyre të parë.
Por pushtimi rus i Ukrainës ka bërë që shumë ukrainas të duan të ndahen nga kultura ruse.
Projektligji, i miratuar nga deputetët të dielën, ndalon që një pjesë e muzikës ruse të luhet ose të interpretohet në televizion, radio, shkolla, transport publik, hotele, restorante, kinema dhe hapësira të tjera publike.
LEXONI GJITHASHTU
- Zelenski paralajmëron intensifikim të sulmeve nga Rusia
- Besueshmëria e BE-së, Ukraina dhe Ballkani presin sinjale të qarta nga Evropa
- Lufta në Ukrainë mund të zgjasë me vite, paralajmëron shefi i NATO-s
