Ukraina në samitin e Davosit/ Kievi prezanton formulën e paqes, Kina mungon
Ukraina po çon përpara formulën e saj të paqes për t’i dhënë fund 2 viteve luftë me Rusinë në një takim me këshilltarët e sigurisë kombëtare nga e gjithë bota në Davos. Presidenti Zelenski dërgoi përfaqësuesin e tij për të ndjekur nisjen e sesionit, ku ishte i pranishëm edhe Euronews.
“Forumi Ekonomik Botëror ka nisur më herët këtë vit me raundin e katërt të bisedimeve mbi formulën e paqes në Ukrainë, të prezantuar nga Ukraina dhe Zvicra. Edhe pse këtë herë ka më shumë vende pjesëmarrëse krahasuar me raundin e mëparshëm të mbajtur në Maltë, Kina nuk është e pranishme. Ne pyetëm Andrij Jermak, përfaqësuesin e presidentit ukrainas nëse Kievi do të përpiqet të përfshijë Kinën”,-Sasha Valkulina, Euronews.
“Është me rëndësi që të gjitha vendet pjesëmarrëse, të jenë të sinqerta në përpjekjen e tyre për të ndihmuar në dhënien fund të luftës. Por ka ide të ndryshme për mënyrën se si duhet bërë kjo dhe vendet kanë eksperiencat e tyre”,- Andriy Yermak, zyrtar i presidencës ukrainase.
Kryeministri kinez Li Kiang do të udhëheqë një delegacion në Davos këtë javë. Ukraina e pranon se aleatja e Rusisë duhet të jetë në bord për të bërë ndonjë progres.
“Presidenti Zelensky nuk ishte në takimin e së dielës, por do të jetë këtu në Davos për t’iu drejtuar Forumit Ekonomik Botëror të martën, të njëjtën ditë me kryeministrin kinez…”, Sasha Valkulina, Euronews.
LEXONI GJITHASHTU:
Nga Tropoja në Sanremo, Azgan Haklaj dhe e bija emocionojnë publikun me vallen shqiptare
Një person bie nga shkëmbi, forcat e kërkim-shpëtimit nisen drejt malit të Gopeshit
Operacion i madh kundër korrupsionit në Irak, arrestohen figura të rëndësishme politike
- 07:59 SHBA dhe Irani bien dakord të ndalojnë sulmet dhe të takohen në Katar
- 07:58 Numri i të vdekurve nga tërmeti në Venezuelë rritet në 1,450, mbi 50 mijë të zhdukur
- 07:53 Trajneri i Koresë së Jugut jep dorëheqjen pas eliminimit nga Kupa e Botës
- 07:50 Koreja e Veriut dënon stërvitjen e përbashkët ushtarake SHBA-Japoni
- 07:34 Shpëtohen pas tetë orësh operacion intensiv 4 turistët e bllokuar në Kanionet e Gjipesë
- 07:06 Begaj takohet me homologun polak: Integrimi i Shqipërisë në BE është domosdoshmëri gjeopolitike