Banorët në Kiev qëndrojnë në radhë për të mbushur  ujë, raketat ruse  vijojnë të godasin infrastrukturën civile  ukrainase.

80% e banorëve të kryeqytetit kanë mbetur pa ujë dhe pa energji elektrike.

Inxhinierët ukrainas u përpoqën të rikthejnë energjinë, por furnizimi me ujë ishte ende një problem për 40 për qind të qytetit deri në orët e vona të së hënës mbrëma.

“Kjo është një luftë me popullatën civile,  është një nxitje për nënshtrim,  është një luftë me vlerat, ukrainasit respektojnë lirinë. Ne nuk jemi mësuar me faktin të jemi skllevër” shprehet nja banore.

Kievi tronditet herë pas here  nga sulmet me raketa ruse.

“Dëgjuam një zhurmë të veçantë. Pas kësaj, diçka fluturoi dhe dëgjuam shpërthimin” rrëfen një tjetër qytetare.

Të tjerë ukrainas shprehen se rusët duan t’i trembin.

Ministria ruse e Mbrojtjes ka konfirmuar se ka kryer sulme, por në pozicione komanduese ushtarake, si dhe objekte energjetike në Ukrainë.

Sulmet duket se janë  hakmarrje për një sulm të supozuar të Ukrainës në flotën ruse të Detit të Zi në brigjet e gadishullit të Krimesë.

Media ruse ka shpërndarë gjithashtu pamjet e një hoteli të shkatërruar në Alchevsk në Ukrainë. Autoritetet ruse të instaluara në qytet thonë se raketat e Ukrainës goditën ndërtesën duke lënë një numër  civilësh të bllokuar nën rrënoja.

LEXONI GJITHASHTU

• Ministria e Jashtme e Ukrainës: Duart e Putinit janë njollosur me gjak
• Lufta në Ukrainë, SHBA do sjellë në Evropë armë bërthamore
•  Lufta në Ukrainë, ushtria ruse gati të largohet nga qyteti i Khersonit