Ukraina përgënjeshtron pushtimin e Kherson

Ministria e Mbrojtjes së Ukrainës ka mohuar njoftimet se qyteti jugor Kherson ka rënë në duart e rusëve.

“Sipas informacioneve nga brigada jonë, lufta po vazhdon,” tha një zëdhënës i ministrisë. “Qyteti nuk është pushtuar plotësisht, disa pjesë janë nën kontrollin tonë”.

Media shtetërore ruse kishte raportuar më parë se trupat ruse kishin marrë kontrollin e plotë të qytetit.

Ndërkohë, departamenti i policisë rajonale të Kharkiv dhe Universiteti Kombëtar i Kharkiv janë shënjestruar në një sulm ushtarak të mërkurën në mëngjes, sipas Shërbimit Shtetëror të Emergjencave të Ukrainës dhe pamjeve të gjeolokuara nga CNN.

Videot tregojnë ndërtesat e përfshira nga zjarri dhe personelin e urgjencës që shkon në vendngjarje. U raportua për tre të plagosur.

LEXONI GJITHASHTU:

• Flamuri ukrainas hiqet nga ambasada në Moskë