Ukraina: Prerja e pyjeve nga Rusia do të ketë “pasoja katastrofike” për mjedisin

Zv. ministrja e Mbrojtjes në Ukrainë, Hanna Malyar, tha se forcat ruse po kryejnë prerje “të pakontrolluara dhe barbare” të pyjeve në Ukrainë që “do të çojnë në mënyrë të pashmangshme në pasoja katastrofike për mjedisin”.

Pjesa më e madhe e zonës pyjore po shkatërrohet nga forcat dhe sipërmarrësit rusë në zonat e pushtuara të Zaporizhjas, Hersonit, Donjeckut, zona këto që u mbollën për ta parandaluar erozionin e erës dhe ujit, duke ofruar gjithashtu përfitime rekreative, tha Malyar më 5 prill, shkruan Radio Evropa e Lirë.

Në 10 ditët e fundit të marsit, tha ajo, autokolonat me kamionë rusë u raportua se kanë hequr trungjet e prera nga zonat pranë qytetit të pushtuar të Mariupolit në rajonin lindor të Donjeckut të Ukrainës.

LEXONI GJITHASHTU:

• Clinton: Jam fajtor për pushtimin e Ukrainës, gabova me marrëveshjen e vitit 1994
• Më shumë se 320 mijë refugjatë ukrainas në Çeki