Ukraina pretendon se ka vrarë më shumë se 5000 ushtarë rusë

Ministria e Mbrojtjes e Kievit pretendon se më shumë se 5000 ushtarë rusë janë vrarë në katër ditët e para të luftimeve në Ukrainë.

Në një deklaratë të postuar në Facebook, zyrtarët ukrainas thanë se rreth 5 300 trupa ruse janë vrarë.

191 tanke, 29 avionë luftarakë, 29 helikopterë dhe 816 transportues të personelit të blinduar janë shkatërruar nga forcat e Ukrainës, sipas të njëjtave burime.

Pretendimet pasojnë deklaratat e Ministrisë ruse të Mbrojtjes të dielën se forcat e saj kanë pësuar humbje, megjithëse zyrtarët nuk dhanë një shifër të saktë.

Ndërkohë, vëzhguesit e OKB-së thanë se kishin konfirmuar të paktën 94 vdekje të civilëve gjatë ditëve të para të luftimeve.

LEXONI GJITHASHTU:

• Bjellorusia voton pro lejimit të armëve bërthamore në territorin e saj
• Xhaçka njofton sanksionet e Shqipërisë ndaj Rusisë