Ukraina synon të grumbullojë 1 milion ushtarë për të rimarrë jugun e vendit

Ukraina planifikon të grumbullojë një milion ushtarë, të pajisur me armë të NATO-s, për të luftuar në rikthimin e kontrollit në pjesën jugore të vendit që është pushtuar nga Rusia.

Kështu bëri të ditur ministri ukrainas i Mbrojtjes, Oleksii Reznikov i cili tha se rimarrja e zonave rreth Detit të Zi është jetike për ekonominë e vendit, shkruan BBC.

“Ne kemi nevojë për më shumë dhe më shpejt për t’u shpëtuar jetën ushtarëve tanë. Ne kemi afërsisht 700,000 persona në Forcat e Armatosura dhe kur shtoni Gardën Kombëtare, policinë, rojën kufitare, bëhemi rreth një milion”, tha Reznikov.

Reznikov theksoi se dërgesat e armëve nga Perëndimi duhet të përshpejtohen.

Deklarata e ministrit, vjen në kohën kur Rusia, e cila ka nisur pushtimin e Ukrainës më 24 shkurt, po bën përparime në rajonin lindor të Donbasit.

Më herë gjatë ditës së sotme, zëvendës kryeministrja e Ukrainës, Iryna Vereshchuk u ka bërë thirrje banorëve të Kherson në jug të vendit që të evakuohen, pasi forcat ukrainase po përgatiten për një kundërsulm ndaj rusëve.

LEXONI GJITHASHTU

• Ukraina përgatitet për kundërsulm në Kherson, thirrje civilëve për evakuim
• Refugjati afgan që komandon trupat ukrainase në luftën kundër Rusisë
• ‘Rusët më rrahën dhe lanë në gropë për dy ditë’, rrëfimi i taksistit ukrainas