Kryeministri hungarez Viktor Orban ishte lideri i parë që reagoi ndaj këshillës së Komisionit Evropian që qytetarët të përgatisin një çantë mbijetese emergjente brenda 72 orëve, duke thënë se ishte përgatitje për luftë.

“Le të përpiqemi të kuptojmë pse po e bëjnë këtë. Unë shoh që Brukseli po përgatitet për luftë. Kështu që kjo duhet marrë seriozisht”, tha ai.

BE-ja dëshiron që çdo shtet anëtar të përgatisë komplete mbijetese në mënyrë që qytetarët të mund të përballen me çdo krizë të re që mund të lindë si pjesë e strategjisë së saj të gatishmërisë, e cila gjithashtu kërkon krijimin e një rezerve më të madhe të furnizimeve thelbësore dhe përmirësimin e bashkëpunimit civilo-ushtarak, raporton Euronews.

Orban dënoi planet në fjalimin e tij javor në radion kombëtare. Udhëheqësi hungarez tha se nuk mendonte se Evropa kërcënohej nga lufta nga jashtë dhe se luftimet në Ukrainë nuk do të arrinin në Budapest, Varshavë apo shtetet baltike, sepse askush nuk do të sulmonte një vend të NATO-s.

“Kjo duket qesharake tani, që Brukseli po u dërgon një mesazh të gjitha familjeve evropiane që të kenë ushqim të mjaftueshëm në shtëpi për 72 orë, por nëse shikoni pas tij, është shumë e tmerrshme kur shihni se çfarë kanë në mendje këta njerëz. A po bëjnë diçka?” pyeti ai.

LEXONI GJITHASHTU:

• “Grumbulloni ushqime dhe ujë”, BE thirrje qytetarëve të vet: Gati për çdo krizë
• Reagon përfaqësuesja e lartë e Bashkimit Evropian: Ukraina është Evropë