Universitetet mësim online, pedagogia Lili Sula: Jemi në gjendje kritike

16 Janar 2021 | 15:20
Komiteti Teknik i Ekspertëve tha sot se mësimi në universitete do të vijojë online për një afat të pacaktuar duke krijuar jo pak konfuzion tek studentët.
 

Në lidhje me këtë vendim, Euronews Albania bisedoi me pedagogen Lili Sula, e cila u shpreh se procesi mësimor ndodhet në gjendje kritike duke thënë se metodat online nuk janë efikase.

Ajo tha se universitetet kanë kërkuar që në tetor të vitit të kaluar, që mësimi të zhvillohet në mënyrë të kombinuar.

“Edhe pse pandemia vijon, ne jemi në një gjendje kritike në lidhje me procesin mësimor. Ne që nga tetori kemi kërkuar që mësimi për studentët e Bachelor dhe master të jetë i alternuar, online dhe në universitet. Mësimi online ka defekte, pasi ndikojnë edhe tek cilësia e mësimdhënies dhe mësimnxënies. Është një vendim i nxituar pasi duhet të ishte konsultuar me grupet e interesit”, tha ajo.

Sindikata e Punonjësve të Universiteteve iu drejtuan dje me një letër Mistrisë së Arsimit, të Shëndetësisë dhe kryeministrit Edi Rama duke kërkuar vaksinimin e stafit akademik, me qëllim që t’i hapej rrugë mësimit me praninë fizike të studentëve në universitet.

Këtë kërkesë pedagogia Lili Sula e cilëson pozitive pasi thotë se ky hap shton shanset, që procesi mësimor në vend të rikthehet sa më parë në auditore.

“Mendoj se me vullnet shumë të mirë, unë do ta gjeja si një mënyrë zgjidhjeje, për të vijuar në semestrin e dytë për të vijuar mësimin në auditorë ose për të vijuar në formë të gërshetuar”, tha ai.

Lexoni gjithashtu:

Manastirliu: Mësimi në universitete online, fluturimet me Britaninë e Madhe të pezulluara deri më 1 shkurt

Manastirliu: Me COVAX dhe Pfizer do të vaksinojmë 800 mijë shqiptarë

Home Kryefaqja
Shiko në: YouTube
Lajme të Sugjeruara

Dita e tretë e protestës, qytetarët kërkojnë anulimin e projektit në Zvërnec! Dalin me pankarta në duar

Protesta kundër projektit në Zvërnec vijoi edhe këtë të martë, duke shënuar ditën e tretë radhazi të kundërshtimeve nga banorët dhe qytetarët e zonës. Të...
18:23 | 02/06/2026

Nisin provimet e Maturës Shtetërore 2026, sot provimi i Gjuhës së Huaj

Mbi 26.600 maturantë në të gjithë vendin nisin sot provimet e Maturës Shtetërore 2026, me testin e parë, atë të Gjuhës së Huaj. Procesi do...
08:14 | 02/06/2026

Protestat për Pishë-Poron, Rama: Zona është e kategorisë së pestë dhe lejon aktivitet ekonomik

Kryeministri Edi Rama, gjatë fjalës së tij para grupit parlamentar të PS-së, sqaroi edhe çështjen e mbrojtjes së zonës së Pishë-Poros, për të cilën u...
10:54 | 01/06/2026