Universiteti i Tiranës dënon ashpër dhunën ndaj avokatit Mëngjesi: Të gjendet motivi

Universiteti i Tiranës ka dënuar dhunën e ushtruar ndaj avokatit Sokol Mëngjesi, mbrojtësit ligjor të ish-kryeministrit Sali Berisha.

Përmes një reagimi në rrjete sociale, UT kërkon nga organet ligjzbatuesje zbardhjen sa më parë të personave që dhunuan në mënyrë barbare pedagogun e Fakultetit të Drejtësisë.

Duke I uruar shërim sa më të shpejtë Mëngjesi, UT kërkon vënien para përgjegjësisë dhe zbardhjen e motivit të kësaj ngjarjeje kriminale.

“UT dënon sulmin ndaj pedagogut dhe avokatit Sokol Mëngjesi!

Universiteti i Tiranës dënon sulmin agresiv ndaj pedagogut të Fakultetit të Drejtësisë dhe avokatit Sokol Mëngjesi. Ne presim dhe besojmë që policia dhe prokuroria të zbardhi sa më shpejt autorët dhe motivet e këtij sulmi kriminal dhe të rrezikshëm.

Stafi i Universitetit të Tiranës është në këto momente pranë familjes së Sokol Mengjesit.

Urojmë shërim sa më të shpejtë të kolegut tonë Prof. Dr. Sokol Mëngjesi”, thuhet në reagim.

LEXONI GJITHASHTU:

• Dhunohet në qendër të Tiranës avokati i ish-kryeministrit Berisha
• Sapo çoi fëmijën në kopsht, avokatit të Berishës iu bë pritë dhe e qëlluan me levë