Unpublished | Rrëfimi i një tregtari, si më grabitën biznesin

Sipas të dhënave të policisë vitet e fundit më të përhapura janë vjedhjet e dyqaneve, lokaleve dhe bareve. Unpublished ju sjell rrëfimin e pronarit të një dyqani, që u grabit një vit më parë, në biznesin që mban gjithë peshën financiare të saj.

Ai tregon me detaj se si kishte ndodhur grabitja dhe se si falë alarmit nuk arritën që të vidhnin shumë mall.

“Ata hapin bravën gjysmë me kaçavidë dhe shkojnë shohin se mos ishte dikush te rruga. Sapo hapet dera e gjitha bie alarmi dhe tmerrohen. Ata hynë dhe shkojnë te sirtari për lekët. Pasi nuk hapën dot sirtarin shkojnë te paketat e cigares dhe marrin sa mundën në një thes. Gjatë largimit një pjesë e paketave i kishte rënë rrugës,”- rrëfen personazhi ynë për Unpublished në Euronews Albania.

Avokati Edvis Gorishti tregon për Unpublished si kategorizohen grabitjet.

“Kemi vjedhje ku synim është vetëm vënia në dorë e pasurisë. Forma më e rëndë e vjedhjes është ajo me dhunë, ku përveç vjedhjes shkatërrojnë biznesin ose mund të ketë dhunë fizike,”- thotë avokati Edvis Gorishti për Unpublished në Euronews Albania.

Vjedhja që i ndodhi personazhi tonë ishte me dhunë dhe kjo ka bërë që pas grabitjes të ndodhet në stres se biznesi i tij mund të vidhet sërish.

“Dëmi nuk ishte vlerë e madhe, pasi nga alarmi nuk kishin mundur të vidhnin shumë gjëra. Unë kam

pësuar më shumë dëm psikologjik, pasi jam në stres se mos ndodh sërish. Kamera i shoh gjatë gjithë

kohës nga celulari. Ne me këtë biznes mbahemi si familje,”- shprehet viktima e grabitjes për Unpublished në Euronews Albania.

Personazhi ynë tregon se në lagjen ku ai banon ka pasur dhe vjedhje të tjera, por autorët e që grabitën biznesin.

“Ka pasur dhe vjedhje të tjera në lagje, madje edhe në shtëpi, por jo të gjitha rastet janë kapur autorët. Autorët janë arrestuar dhe ishin të mitur, që kishin kryer dhe vjedhje të tjera,”- tregon pronari i dyqanit të vjedhur për Unpublished në Euronews Albania.