Uran Butka: Ja pse sulmohet Mit’hat Frashëri sot

Historiani Uran Butka thotë se në vendin tonë, por edhe në botë, ekzistojnë grupe vandale që dhunojnë momumente të personave që kanë pasur ndikim në histori.

Në emisionin “Now” në Euronews Albania, Butka, duke iu referuar rastit të dhunimit të bustit të Mit’hat Frashërit, u shpreh se nuk është bërë mjaftueshëm, që brezit të ri t’i mësohet historia ashtu siç është në të vërtetë.

“Mendimet e ndryshme, opinionet e ndryshme i bëjnë mirë edhe opinionit publik për të shkuar te e vërteta. E rëndësishme është një punë e mirëfilltë historike nga historianë të vërtetë dhe e dyta, që të gjitha dokumentat e reja, të gjitha trajtesat që bëhen mbi bazën e dokumentave të reja, duhet të përcillen te brezi i ri, në shkolla, gjë që nuk është bërë, ose është bërë shumë pak.

Kjo është edhe një nga arsyet pse ndodhin gjëra të tilla. Nuk përjashtohet jo vetëm në Shqipëri, por edhe në vende të tjera demokratike, që të ketë grupime të tilla qoftë naziste, apo enveriste”, theksoi ai.

LEXONI GJITHASHTU

• Agim Baçi debat me studiuesin: Avni Rustemi dhe Mit’hat Frashëri, si nata me ditën
• “Ja prenë kokën dhe e vendosën në teqe”, Uran Butka rrëfen historinë
• Kush po i dhunon monumentet? Flet historiania e njohur