Urgjencat toksikologjike në verë, mjekja: Rriten rastet helmimeve dhe mbidozimeve

Konsumi i alkoolit dhe i lëndëve narkotike shtohet gjatë sezonit veror ku për pasojë rritet numri i pacientëve që kanë nevojë për ndihmë mjekësore në Shërbimin e Toksikologjisë.

Urgjencat variojnë nga helmimet e lehta, deri te ato që mund të rrezikojnë jetën nga mbidoza dhe përzierja e alkoolit me substanca narkotike.

Mjekja toksikologe Matilda Kambo thotë se sezoni i verës njeh gjithmonë  rritje të rasteve në urgjence ndërsa sa i përket moshave ajo thotë se të rinjtë janë më të shumtë në numër, por nuk mungojnë edhe adoleshentët apo moshat mbi 50 vjeç.

Në këto kushte, mjekja toksikologe apelon që të bëhet kujdes me konsumin e alkoolit gjatë verës, pasi ai është i dëmshëm. Ajo kërkon që të shmanget përdorimi i automjeteve dhe në të gjitha rastet kur është konsumuar alkool, pasi ky është një rrezik serioz për aksidentet.

LEXONI GJITHASHTU:

• Brazil, e dyshuara për helmimin me tortë Krishtlindjesh gjendet e vdekur në burg
• AKU zbardh analizat për rastin e helmimit në Gramsh dhe paralajmëron dezinformatorët