Urgjente rritja e kapaciteteve ushtarake, thotë eksperti i sigurisë

Lufta Rusi-Ukrainë vijon dhe frika për përshkallëzimin e situatës në Evropë bëhet dhe më e prekshme. Në këto kushte janë disa masa që qeveria shqiptare duhet t’i marrë për të rritur sigurinë.

Ky ishte qëndrimi i ekspertit të sigurisë, Arben Çuko i cili sugjeroi rritjen e kapaciteteve ushtarake në mënyrë të menjëhershme.

“Fatkeqësisht kapacitetet tona operacionle dhe luftarake janë bazike,” – u shpreh Çuko.

Sipas tij qeveria duhet të:

• Të riarmatosë ushtrinë
• Të ndërtojë një plan minimalisht 10 vjeçar për rritjen e fuqisë ushtarake
• Të ndryshojë strategjinë e sigurisë kombëtare dhe ushtarake
• Të fusë shërbimin e detyrueshëm ushtarak
• Të krijojë menjëherë forcat rezerviste

Ndërkohë, sa i takon qasjes së Serbisë në konfliktin Rusi-Ukrainë dhe bashkëpunimit Shqipëri-Serbi në Open Balkan, Arben Çuko deklaroi se Ballkani i Hapur duhet riparë për aq kohë sa Serbia është pozicionuar krah Rusisë dhe ka një qëndrim komplet të kundërt nga Shqipëria sa i takon luftës.

“U krijua hendeku. Ne jemi në dy. Ai është me rusin, ne jemi me Perëndimin. Duhet të kalojë një kohë, duhet sqaruar gjithçka,” – u shpreh eksperti i sigurisë.

Sipas tij Shqipëria duhet të fokusohet te rritja e sigurisë, në të mirë të popullit dhe për të qenë pjesë dinjitoz në NATO.

LEXONI GJITHASHTU:

• Bjellorusia voton pro lejmit të armëve bërthamore në territorin e saj