Qytetarë të Tiranës dhe aktivistë kanë zhvilluar të martën një protestë para ambasadës serbe në Tiranë.
Në lidhje me këtë organizuesi i protestës Dashamir Uruçi, në një intervistë për Euronews Albania, theksoi se këto zhvillime përcaktohen nga marrëdhëniet e politikës.
Ai tha se duhet të ngrihet një shtab pune nga ana qeverive për zhvillimet në Kosovë.
“Të gjithë janë të shqetësuar për këtë situatë dhe ne morëm nismën për organizimin e kësaj proteste. Këto zhvillime përcaktohen nga marrëdhëniet e politikës. Kjo është një protestë qytetare. Kjo protestë denoncon politikat agresive të Serbisë në territorin e Kosovës. Ne këtu japim jo vetëm mendimet tona por të një organizate që po nis rrugëtimin drejt një organizimi të Kuvendit Kombëtar.
Në këtë situatë nuk mjafton vetëm deklarimet, mendoj se duhet të ngrihet një shtab i veçantë pune për zhvillimet në Kosovë. Një shtab pune mes qeverisë shqiptare dhe qeverisë së Kosovës. Duhet të mblidhet Këshilli i Sigurisë Kombëtar. Duhet të zbërthehet e vërteta në Kosovë. Nuk është qeveria shqiptare që i krijon tensionet, atje është qeveria e Serbisë që krijon tensione.”- tha ai.
LEXONI GJITHASHTU:
- Bushati: Rama kontrollon SPAK-un, edhe pse nuk vendosi atë që donte në krye
- “Ushtria e gatshme të përgjigjet”- Brnabiç reagon për tensionet në veri të Kosovës
- Shumica e vdekjeve nga zemra, Shqipëria me faktor rreziku të lartë
