“Ushtria e gatshme të përgjigjet”- Brnabiç reagon për tensionet në veri të Kosovës

Kryeministrja serbe Ana Brnabiç reagoi këtë të martë në lidhje me tensionet në veri të Kosovës dhe dislokimin trupave serbe në kufi.

Brnabiç deklaroi se ushtria e Serbisë është në gadishmëri të lartë dhe e gatshme që të mbrojë serbët në veri të Kosovës.

“Vigjilenca e lartë e policisë dhe ushtrisë do të thotë se Serbia është e gatshme të përgjigjet nëse dikush sulmon serbët në Kosovë. Këtë vit, kryeministri i Kosovës, Albin Kurti ka organizuar një sërë provokimesh dhe veprimesh të njëanshme kundër serbëve”, tha ajo.

Brnabiç ngriti hipotezat se kryeministri i Kosovës po paralajmëron për viktima përmes heqjes me forcë të barrikadave.

“Kurti tashmë po paralajmëron për viktima njerëzore dhe heqjen me forcë të barrikadave. Shpresoj se partnerët ndërkombëtarë do të jenë mjaft të mençur për të mos lejuar që kjo të ndodhë,” shtoi ajo.

LEXO GJITHASHTU:

• Serbia injoron thirrjet e NATO-s, të tjera barrikada në veri të Kosovës
• A e ka kaluar ushtria serbe kufirin me Kosovën? Gazetari zbulon gjendjen në Veri
• Serbia urdhëron ‘gatishmërinë luftarake’ në kufi me Kosovën, deklarata e Vuçiç