“Ushqehemi çdo ditë, jo njëherë në vit”, pensionistët në protestë: S’mendojnë për ne

Në një tjetër protestë përpara Kryeministrisë, pensionsitët kanë kërkuar rritjen e pensioneve si dhe një vëmendje më të shtuar nga institucionet kundrejt tyre. Ata kanë kërkuar rritjen e minimunit jetik, si dhe rritjen e pensionit minimalja e rrogës bazë.

“15-108 mijë lekë, nuk më dalin as për bukë thatë dhe ilaçet i kërkoj dikujt ose fëmijës që të mi marri. Jemi shumë keq, unë e dua të përhershëm bonusin, nuk është ndonjë sakrificë e madhe që po bëjnë”,-tha pensionisti

Me pankartat me mbishkrime “Pensionistët nuk kërkojnë bonuse, por pensione dinjitoze”, “Punuam gjithë jetën, përsëri bosh e kemi kuletën”, “Hiqni dorë nga korrupsioni, të rritet pensioni”, pensionistët kërkuan “pensione dinjitoze dhe miratimin e një minimumi jetik”.

 “Në 2-3 protesta kam ardhur, unë për vetë kam punuar, po shkon 70 vjeç, 13 mijë lekë pension vështirë. po të mos kisha fëmijët do isha në Tufinë”,-tha pensionisti.

“Kërkojmë të jetojnë si të gjithë të tjerët, keni ndërtuar Shqipërinë, për ne pensionistët nuk mendoi kush. Zonja merr 180 mijë lekë ilaçe, për tension dhe diabet, nuk jetojmë dot në këtë formë”.

Jemi dhe të moshuar nuk mund të vijmë dot, por me zëmër dhe mend këtu jemi. Unë 100 mijë e kam pensionin më nxori 40 vjeçe, më prishi punë. Për ibret, ata mendojnë se ne hamë 1 herë në vit, por harxhojmë përditë, ilaçe, bukë të gjitha. i dha 150 mijë lekë çfarë janë.

Më 27 nëntor Këshilli i Ministrave të Shqipërisë, miratoi bonusin e fundvitit për pensionistët. Fondi për bonusin për pensionistët është 100 milionë euro, ndërkohë bonuset janë rreth 150 euro dhe 100 euro, sipas kategorisë së pensioneve.

LEXONI GJITHASHTU:

• Pensionistët në radhë me orë të gjata për bonusin në Vlorë, nervozohen të moshuarit
• Nga 1 janari pensionistët udhëtojnë falas me urban, rregullat si funksionon