Ushtarët ukrainas po japin jetën për të shmangur një katastrofë bërthamore

Luftimet kanë shpërthyer në Çernobil ndërsa ushtarët rusë përpiqen të arrijnë ish-centralin bërthamor, ka thënë presidenti i Ukrainës.

Ushtarët ukrainas po japin jetën e tyre për të shmangur përsëritjen e katastrofës bërthamore të vitit 1986, tha Presidenti Volodymyr Zelensky.

“Forcat pushtuese ruse po përpiqen të kapin centralin e Çernobilit. Mbrojtësit tanë po japin jetën që tragjedia e vitit 1986 të mos përsëritet”, tha ai.

Russian occupation forces are trying to seize the #Chornobyl_NPP. Our defenders are giving their lives so that the tragedy of 1986 will not be repeated. Reported this to @SwedishPM. This is a declaration of war against the whole of Europe.

— Володимир Зеленський (@ZelenskyyUa) February 24, 2022

Pak minuta më parë, këshilltari i Ministrisë së Brendshme Anton Gerashchenko njoftoi se luftimet ishin duke u zhvilluar pranë depove të mbetjeve bërthamore të Çernobilit, ku forcat ruse hynë nga Bjellorusia.

“Trupat e pushtuesit kanë hyrë në zonën e termocentralit të Çernobilit nga Bjellorusia. Anëtarët e Gardës Kombëtare që mbrojnë depon po bëjnë rezistencë të ashpër”, njoftoi Gerashchenko.

“Nëse depoja do të shkatërrohej nga sulmet e artilerisë nga kundërshtari, pluhuri radioaktiv do të mbulonte Ukrainën, Bjellorusinë dhe vendet e BE-së”, shtoi ai.

Kreu i ushtrive ukrainase tregoi më parë se katër raketa balistike ishin lëshuar nga Bjellorusia në drejtimin jug-perëndim.

Centrali ishte vendi i aksidentit më të keq bërthamor në botë në prill të vitit 1986, kur një reaktor bërthamor shpërtheu dhe mbetje radioaktive u përhapën në të gjithë Evropën. Vendi shtrihet 130 kilometra në veri të kryeqytetit të Kievit.

Vetëm 187 njerëz jetojnë zyrtarisht brenda zonës 30 kilometra rreth termocentralit, e njohur si Zona e Përjashtimit.

LEXONI GJITHASHTU:

• Cili është roli kyç që do të luajë Turqia në konfliktin Rusi-Ukrainë?
• Nis lufta në Çernobil, trupat ruse tentojnë të marrin kontrollin