Policia  e Fierit ka arrestuar këtë të mërkurë 4 pronarët e 2 lokaleve dhe një hoteli në Fier, të cilët bashkëpunonin me njëri-tjetrin, për kryerjen e veprimtarisë së prostitucionit.

Policia ka bllokuar gjithashtu 3 ambientet të ciëlt përdoreshin për të ushtruar aktivitetin e paligjshëm.

Të implikuar në këtë veprimtari të paligjshme edhe 8 shtetas të tjerë, të cilët u proceduan penalisht.

Si rezultat i këtij operacioni, u ekzekutua masa e sigurisë “Arrest në burg”, për veprat penale “Mbajtja e lokaleve për prostitucion” dhe “Shfrytëzimi i prostitucionit”, për shtetasit:

-N. G., 69 vjeç dhe B. M., 71 vjeçe, pronarë të një lokali në lagjen “Kastriot”;

-N. A., 63 vjeçe, pronare e një lokali në lagjen  “Kastriot”;

-T. H., 69 vjeç, pronar i një hoteli në lagjen “16 prilli”.

“Nga hetimet e kryera në kuadër të operacionit “Bazat”, rezultoi se këta 4 shtetas, në bashkëpunim me njëri-tjetrin, gjatë periudhës maj 2022-shkurt 2023, kishin vënë 2 lokalet dhe hotelin që kishin në pronësi, në dispozicion të ushtrimit të veprimtarisë së kundërligjshme të prostitucionit.

Gjithashtu, për këtë rast u referuan materialet në Prokurori, ku nisi procedimi në gjendje të lirë për 8 shtetas, të dyshuar të implikuar në këtë veprimtari.

Vijon puna për identifikimin dhe nxjerrjen përpara përgjegjësisë penale, të shtetasve të tjerë të implikuar në këtë rast.

Materialet procedurale i kaluan Prokurorisë pranë Gjykatës së Shkallës së Parë Fier, për veprime të mëtejshme”, huhet në njoftimin e policisë.

LEXONI GJITHASHTU: 

• U përfshinë në konflikt, 3 të arrestuar në Tiranë, sekuestrohet një armë zjarri
• Burrat që ngrenë pesha janë më fertilë sesa ata që rrinë në zyrë
• Kultivuesi: Qytetarët preferojnë prodhimet që vijnë nga jashtë se ato të vendit