U përfshinë në konflikt, 3 të arrestuar në Tiranë, sekuestrohet një armë zjarri

Tre persona janë arrestuar në Tiranë pasi ishin përfshirë në një konflikt.

Policia bën me dije se në pranga kanë rënë shtetasit N. Sh., 40 vjeç, E. B., 32 vjeç, I. B., 60 vjeç, të cilët akuzohen për veprat penale “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit” dhe “Moskallëzimi i krimit”.

“Falë ndërhyrjes në kohë të shërbimeve të Policisë është bërë i mundur parandalimi i konfliktit për motive të dobëta mes shtetasit E. B. dhe shtetasit N. Sh., i cili mbante me vete armë zjarri.

Gjatë konfliktit fizik, shtetasit N. Sh. i ka rënë në tokë arma e zjarrit, të cilën e ka marrë shtetasi I. B. (babai i shtetasit E. B.) dhe e ka fshehur për të shmangur përgjegjësinë ligjore.”- njofton policia.

Në cilësinë e provës materiale u sekuestrua arma e zjarrit pistoletë me 2 krehra me fishekë.

Materialet i kaluan Prokurorisë, për veprime të mëtejshme procedurale.

LEXONI GJITHASHTU: 

• Burrat që ngrenë pesha janë më fertilë sesa ata që rrinë në zyrë
• Kultivuesi: Qytetarët preferojnë prodhimet që vijnë nga jashtë se ato të vendit