Vaji rritet me të paktën 70 lekë, të moshuarit ankohen për çmimet

Vetëm në 3 ditët e fundit, çmimi i vajit është rritur me të paktën 70 lekë. Nga 300 lekë që ishte në fundjavë vaji që njihet si me cilësor tashmë shitet 370 lekë.

Ne kryem një vëzhgim në disa nga marketet dhe  rezulton që vaji të jetë produkti me rritjen më të madhe.

Ndërkohë nëse e krahasojmë me muajin janar kjo rritje është akoma më e madhe, pasi në fillim të vitit, 1 litër vaj kushtonte mesatarisht 230 lekë.

Rritja e çmimit është reflektuar edhe në produktet e shportës si miell, makarona, oriz dhe sheqer, me një shtesë prej 20 deri në 40 lekë.

Në disa markete nuk afishohen çmimet, për ketë arsye.Për shkak të kërkesës së shtuar në disa subjekte tregtare kanë vendosur limit të sasisë që mund të blejë një klient.

Ndërkohë qytetarët, veçanërisht pensionistët shprehen se kjo situatë u ka rënduar xhepin.

“Kush nuk e ka ndjerë nëna? Të gjithë e kanë ndjerë? Me një pension 170 mijë si e përballojmë”, u shpreh një e moshuar.

“E ndjejmë shumë rritjen e çmimeve. Madje edhe kur blemë bukën mendohemi”, tha një tjetër.

Qytetarët befasohen çdo ditë kur ndeshin çmime të ndryshuara.