“Vajzat në familjen time nuk jetojnë”, historia prekëse e zdrukthëtarit gjakovar

“Real People” udhëtoi këtë javë drejt Gjakovës, ku moderatori Flor Gjini, takoi Ruzhdi Qarrin, një 72-vjeçar, i cili preku me rrëfimin e tij.

Mes fjalëve rrëqethëse, zdrukthëtari tregoi se vajzat nuk jetojnë në familjen e tij.

Kjo sepse, Ruzhdiu ka humbur tre motra dhe gjithashtu vajzën e tij  dy muajshe.

“Në familjen tonë lind motra, linda unë dhe pas 8 muajsh vdes motra. Lind vllai i dytë, vdes motra e dytë. Lind motra e tretë, lind vëllai i tretë, vdes motra e tretë. E mbaj mend motrën e tretë, kam qenë 7 vjeç. Martohem dhe më lind vajza e madhe, pas dy muajsh më vdes vajza”, tha Ruzhdiu.

Megjithatë, pavarësisht humbjeve të mëdha, Ruzhdiu tregoi se ka mundur të vazhdojë jetën, përmes punës si zdrukthëtar, pasion të cilin e ka trashëguar prej disa brezash në familjen e tij.

Ruzhdiu tha e sheh zdrukthëtarinë si një pjesë të rëndësishme të identitetit të tij dhe të kulturës së vendit, duke shpresuar që pasioni i tij të frymëzojë brezat e ardhshëm për të ruajtur këtë traditë.

LEXONI GJITHASHTU:

• Zdrukthëtari 72-vjeçar: Nuk punoj arkivole, edhe pse ka para
• Zanatet drejt zhdukjes, zdrukthëtari nga Gjakova: E kam trashëguar brez pas brezi