‘Vaksina kineze mbërrin për pak ditë’, Tomini: Nga java tjetër, deri në 15.000 vaksinime në ditë
Zëvendësministrja e Shëndetësisë, Eugena Tomini në një lidhje direkte për Euronews Albania foli mbi procesin e vaksinimit në Shqipëri, duke parashikuar finalizimin e kontratës me Turqinë për vaksinën kineze dhe fillimin e një vaksinimi masiv kundër COVID-19. Z. Tomini theksoi se do të kryhen rreth 12.000-15.000 mijë vaksina në ditë, për të arritur kështu imunizimin masiv të qytetarëve.
“Janë bërë tentativa për të marrë një sasi të konsiderueshme për të filluar. Kur themi nga 12.000-15.000 mijë vaksina në ditë, kjo do të thotë se sasia që parashikohet është shumë shpresëdhënëse për të arritur një imunizim masiv. Parashikohet që në ditët në vijim të kemi sasitë e para mbas finalizimit deri në mbrëmjen e sotme të kontratës që po parashikohet me Turqinë ndërkohë që java tjetër fillon me iniciative masive të vaksinimin për të arritur një imunizim masiv të situatës”, u shpreh zëvendës ministrja.
E pyetur nëse vaksinimi do të ndahet në grup-mosha, ministrja sqaroi se do të ketë një vaksinimin të kombinuar, ku do të vijohet procesi me ‘Pfizer’, ‘AstraZeneca’ dhe ‘Sputnik’, ndërsa do të fillojë edhe vaksinimi me vaksinën kineze. Vaksina e re pritet të mbërrijë në ditët në vijim dhe aplikimi i saj pritet të fillojë nga java tjetër.
“Specifikat e vaksinës apo të gjithë indikatorët ka edhe specifika sipas grup-moshave por do të ketë vaksinim të kombinuar. Po vijojmë me vaksinën ‘Pfizer’ me dozë të dytë, po vijojmë me ‘AstraZeneca’ me dozë të parë, që të lejojmë një hapësirë komunikimi me këtë vaksinë edhe për 12 javë. 8-12 javë që shtyhet në kohë si dozë e dytë. ‘Sputnik’ në proces për aplikim dhe vaksinat me të cilat jemi në kontraktim e sipër. Fashat do të gërshetohen. Sasia e vaksinës kineze pritet të vijë në ditët në vijim dhe procesi në javët që vjen”, tha z. Tomini.
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 07:40 Humbje diplomatike për Gjermaninë në OKB, Berlini ngre dyshime për ndikimin rus
- 07:18 SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania