Vatikani: Papa del sot nga spitali, të dielën do të mbajë meshën

Drejtori i zyrës së shtypit të Vatikanit, Matteo Bruni, tha se Papa Françesku do të dalë nga spitali sot, pasi u shtrua në spital të mërkurën për bronkit.

“Mund të konfirmoj se meqenëse Papa pritet të dalë sot nga spitali, kreu i kishës do të jetë i pranishëm nesër në sheshin e Shën Pjetrit për meshë”, tha Bruni.

Ai shtoi se Papa i ka kaluar të qeta netët në spital.

Në deklaratën e Vatikanit sqarohej se kthimi i Shenjtërisë së Tij në shtëpinë e Santa Martës pritet pas analizave të fundit mjekësore në mëngjes.

LEXONI GJITHASHTU:

• Papa Françesku vazhdon në spital, kurohet për bronkitin
• Papa Françesku po mbahet në spital për kontrolle shëndetësore