Vazhdon beteja në Kharkiv, Kievi pretendon se ka rimarrë disa territore

Rusia po dërgon trupa në rajonin e Kharkiv pasi kundërofensiva ukrainase në zonë ka qenë jashtëzakonisht e suksesshme.

Presidenti Zelensky përshëndeti përparimin e arritur.

“Forcat e Armatosura të Ukrainës kanë çliruar dhe kanë  vënë nën kontroll më shumë se 30 vendbanime në Kharkiv. Në disa fshatra të rajonit, kontrollet e sigurisë janë duke vazhduar. Ne gradualisht po marrim kontrollin e zonave  të reja. Po kthejmë flamurin ukrainas dhe mbrojtjen e qytetarëve tanë kudo” u shpreh presidenti ukrainas.

Disa nga këto lokalitete ishin pushtuar që nga fillimi i luftës dhe reagimi i menjëhershëm i pushtuesve rusë ishte që të gjuanin raketa në zonat civile të Kharkiv, duke plagosur të paktën 14 njerëz, përfshirë fëmijë.

Ekziston gjithashtu frika se sulmet ruse në termocentralin Zaporizhzhia do të çojnë përfundimisht në një aksident.

Bombardimet kanë shkaktuar një ndërprerje të plotë në Enerhodar dhe kanë rrezikuar funksionimin e sigurisë së termocentralit bërthamor pranë Zaporizhia.

“Tani ekziston një shans i vogël që të rikthehet energjia jashtë vendit. Luftimet janë duke vënë në rrezik operatorët dhe familjet e tyre dhe  kjo ka rritur ndjeshëm rrezikun e një aksidenti bërthamor”, u shpreh drejtori i përgjithshëm nga Agjencia Ndërkombëtare e Energjisë Atomike

Rafael Grossi ka bërë thirrje për krijimin e një zone sigurie të izoluar nga lufta për të parandaluar një aksident dhe ka ofruar ndihmën e agjencisë së tij në realizimin e këtij plani.

LEXONI GJITHASHTU:

• Kush është ‘truri i Putinit’, cili është këndvështrimi i tij për luftën në Ukrainë?
• Shefi i CIA-s i drejtohet Putin: Sulmi ndaj Ukrainës dështim. Rusia do e paguajë