Vdekja e 15-vjeçarit në Durrës: Ja mesazhi që i përcollën shokët e klasës

Këtë të premte shkët e klasës së 15-vjeçarit, Erion Boba, në gjimnazin “Dom Nikoll Kaçorri” në Durrës kanë lënë në tabelën e klasës një mesazh të ndjerë për shokun e tyre.

Në krahë të shkrimit, në tabelë ata kanë ngjitur edhe foton e Erionit, duke shprehur dhimbjen për humbjen e tij të parakohshme.

“Përse na ike more Erion, përse na ike more shok? Si na e theve zemrën kështu, si na shkatërrove krejt”, thuhet në një pjesë të shkrimit.

Ndërkohë, kujtojmë që ngjarja ndodhi më datë 26-11-2025 në lagjen nr. 14/1, në Durrës në rrugën “Lugina e Karavastasë”, ku 15-vjeçari, Erion Boba, mbeti i plagosur nga një 14-vjeçar për motive të dobëta.

Pas kësaj ngjarje, 15-vjeçari u trasportua për në spitalin e Tiranës për mjekim më të specializuar por nuk arriti t’iu mbijetonte plagëve dhe ndërroi jetë ditën e enjte.

Sakaq, i mituri që vrau 15-vjeçarin akuzohet për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

LEXONI GJITHASHTU:

• EMRI/ U plagos pak ditë më parë me thikë në Durrës, ndërron jetë 15-vjeçari
• Banesa në Durrës e boshatisur, 15-vjeçari Erion Boba do të varroset në Bulqizë