Vdekja e 3-vjeçarit, Urdhri i Stomatologëve kërkon llogari nga dentisti

Pasi një 3-vjeçar humbi jetën pas ndërhyrjes në dhëmbë, Urdhri i Stomatologëve të Shqipërisë ka kërkuar zyrtarisht  të dhënat për gjithë mjekimin dentar që ka përdorur stomatologu te i mituri.

Kërkesat i ka drejtuar një Komision Disiplinor që është ngritur posaçërisht për këtë çështje.

Deklarata:

Urdhri i Stomatologëve të Shqipërisë nuk ka ende dijeni për emrin e stomatologut që ka kryer ndërhyrjen dentare të vogëlushit dhe është e pashpjegueshme dhe penalizuese kjo mungesë e emrit të stomatologut kurues, mosprezenca në media dhe mosparqitja  në zyrat e Urdhrit të Stomatologëve të Shqipërisë.

Deri tani Urdhri i Stomatologëve të Shqipërisë ka ndjekur me tepër vëmendje reanimatorin Prof.Xhaxho, për të cilin nuk kemi asnjë koment, por për Prof.Xhaxho do të ishte tepër e domosdoshme, ligjore, etike dhe korrekte që në daljen e tij mediatike të ishte së bashku me stomatologun që bëri mjekimin si në çdo rast tjetër të ngjashëm e simetrik.

Urdhri i Stomatologëve të Shqipërisë ka tagrin ligjor e statutor të informohet imtësisht nga stomatologu që ka kryer ndërhyrjen dentare, ndërkohë që akoma s’ka një emër konkret.

LEXONI GJITHASHTU:

• Vdekja e 3-vjeçarit te dentisti, prokuroria nis hetimet
• Vdekja e 3-vjeçarit te dentisti, reagon mjeku Roland Xhaxho