Pas vendimit të Gjykatës Kushtetuese që i dha të drejtë Erion Veliajt të vijojë mandatin si kryebashkiak i Tiranës, gazetari Bledian Koka e cilëson situatën si “zgjatje të agonisë” për Veliajn.
Sipas Kokës, fakti që ai vijon të jetë në detyrë si kryetar bashkie e vë në pozitë më të rënduar ligjore, pasi plotësohen kushtet që prokuroria të kërkojë mbajtjen e tij në burg, me argumentin se mund të prishë provat ose të ndikojë tek dëshmitarët.
“Sot Veliajt i zgjatet agonia e qëndrimit në burg sepse duke qenë kryebashkiak plotësohen parakushtet me të cilat ai mbahej sot gjith ditën në burg nga Prokuroria e Posaçme sepse si njeri me pushtet, ai mund të prishë provat dhe mund të intimidojë dëshmitarët.
Ai e ka fuqinë si kryetar bashkie të prishë provat. Nuk do ketë asnjë ndikim tek Erion Veliaj vendimi, përkundrazi i rëndohet pozita”, tha ai.
Gazetari Koka shtoi se vendimi i jep Veliajt vetëm mundësinë që të ankimojë masën e sigurisë në Gjykatën e Strasburgut, ku, si zyrtar i lartë, çështja e tij mund të marrë trajtim me prioritet.
“E vetmja gjë që mund të përfitojë është se duke qenë kryetar i bashkisë Tiranë ai do bëjë rekursin e tij për masën e sigurisë në Strasburg, dhe kur je zyrtar i lartë masa përshpejtohet dhe marrja e masës nën shyqrtim nga Strasburgu ka prioritete”, tha Koka.
LEXONI GJITHASHTU:
