Veliaj kallëzim për falsifikim dokumentesh: Nuk e firmosa unë vendimin e Apelit të GJKKO

Kryetari i Bashkisë së Tiranës, Erion Veliaj, ka depozituar një kallëzim penal pranë Prokurorisë së Juridiksionit të Përgjithshëm në Tiranë, për falsifikim të dokumenteve gjyqësore.

Kallëzimi i Veliajt lidhet me një njoftim vendimi gjyqësor, e administruar në dosjen e Gjykatës së Posaçme të Apelit për Korrupsionin dhe Krimin e Organizuar, në të cilën figuron një nënshkrim në emër të Erion Veliajt, sikur ai të kishte marrë dijeni personalisht për një vendim gjyqësor.

Në kallëzimin e tij Veliaj prertendon se nënshkrimi nuk është firma e tij, ndërsa verifikimet zyrtare tregojnë se vendimi i Apelit nuk ka mbërritur asnjëherë në Institucionin e Ekzekutimit të Vendimeve Penale Durrës, ku Veliaj ndodhet i paraburgosur.