Veliaj reagon nga qelia: Edhe pse i burgosur, puna për shkollat e Tiranës nuk ndalet

Kryebashkiaku Erion Veliaj i cili ndodhet në paraburgimin e Durrësit, ka reaguar me anë të një postimi në Facebook, ku shprehet se ndonëse është burgosur pa gjyq për tu mbajtur larg punëve të kryeqytetit, në Tiranë vazhdon punohet.

Ai ka bashkëngjitur në postim foto të punimeve të shkollës Edith Durham, e cila sipas Veliajt është shkolla e 48 që është ndërtuar gjatë qëndrimit të tij në krye të bashkisë.

“Edhe pse i burgosur pa gjyq, me një dosje të kopsitur enkas për të më mbajtur larg punëve të qytetit, puna për ndërtimin e shkollave të reja në Tiranë nuk ndalet!

Shkolla e re “Edith Durham” është e 48-ta në buqetën e godinave arsimore (9-vjeçare dhe gjimnaze) që kemi ndërtuar së bashku në Tiranë, e më gëzon fakti që puna aty po vijon njësoj, me ritme të shpejta, për ta pasur gati në shtator për fëmijët. Forca!”-shkruan Veliaj në postimin në Facebook.

LEXONI GJITHASHTU:

• Pas autorizimit të dhënë nga SPAK, Veliaj vizitohet nga i vëllai në paraburgim
• Qeveria maqedonase kufizon marzhën e fitimit për 102 grupe produktesh