Veliaj: “Selman Stërmasi” e Pallati i Sportit “Asllan Rusi” do ndërtohen nga e para

Kryebashkiaku i Tiranës, Erion Veliaj deklaroi se vitin e ardhshëm, do të rindërtohet nga e para stadiumi “Selman Stërmasi” dhe Pallati i Sportit “Asllan Rusi.

Deklaratën, Veliaj e dha këtë të mërkurë gjatë fjalës së tij në ceremoninë për nisjen e punimeve të Teatrit të ri Kombëtar.

“Sot jemi me një projekt akoma edhe më cilësor dhe në  finale, të gjithë qytetarët e Tiranës, shumicën dërrmuese, jo vetëm në sasi, por shumicën morale që do që qyteti të ecë përpara me vendosmëri, të mos ndalet në progres.

Të sigurohemi që ky qytet që sot mbyll ditët e veta si kryeqyteti evropian i rinisë, vitin tjetër si kryeqyteti evropian i sportit, me disa projekte fantastike të reja, që jam i sigurt do hapin prapë debat, siç është stadiumi “Selman Stërmasi”, që duhet t’i ngjajë Arenës Kombëtare dhe duhet të rivitalizojë të gjithë zonën e “Tiranës së Re”, ashtu siç do të jetë edhe arena e re e lojërave me dorë “Asllan Rusi”, theksoi ai.

LEXONI GJITHASHTU

• Nisin punimet për teatrin e ri, Veliaj: Kemi konsensusin më të madh të artistëve
• Kalaja: Do përballemi fizikisht për të penguar punimet te sheshi i Teatrit Kombëtar

• Punimet për Teatrin e ri Kombëtar, protestuesit e PD-së të pozicionuar në 3 zona