Velipojë| Vendosën eksploziv në një lokal, arrestohet 28 vjeçari, në kërkim tjetri

Një 28 vjeçar është arrestuar nga policia pasi dyshohet se në datë 30 korrik të këtij viti ka vendosur një sasi lënde eksplozive pranë lokalit në pronësi të shtetasit A.D.

Ngjarja ka ndodhur në fshatin Rrjoll, në Velipojë, ku 28 vjeçari me iniciale E.Gj ka vendosur në tarracën e lokalit lëndë shpërthyese, në bashkëpunim me një shtetas tjetër.

28-vjeçari i arrestuar, është një emër i njohur për policinë, pasi është person me precedent të theksuar kriminal në fushat e krimeve kundër personit dhe pronës.

Pas zbardhjes së ngjarjes dhe arrestimit të të riut, po vijon puna edhe për identifikimin dhe kapjen eshtetasit tjetër.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Vihen nën kontroll vatrat e zjarrit në Bashkinë Selenicë, situata nën monitorim
• Ndezën zjarre në fshatrat Zhulat dhe Karat, procedohen penalisht 2 persona