Vëllai i deputetit të PS i shpëton burgut, Gjykata e Lezhës liron Armando Ndrecën

Armando Ndreca, vëllai i deputetit të Partisë Socialiste, Eduard Ndreca do të hetohet në gjendje të lirë.

Gjykata e Lezhës ndaj 32-vjeçarit caktoi masën e sigurisë detyrim paraqitje, pasi ndalimin e tij nga policia e ka cilësuar si të paligjshëm.

Ndërsa Armel Nikdukaj dhe Elvis Shpellazi do të qëndrojnë në burg pa afat.

Tre të rinjtë akuzohen për veprën penale “Kultivimi i bimëve narkotike e kryer në bashkëpunim”.

Ata kishin përshtatur një ambient stan, në pyjet e fshatit Kashnjet, për kultivim të bimëve narkotike cannabis sativa, nëpërmjet llambave që furnizoheshin me lidhje të paligjshme të energjisë elektrike.

Policia gjatë operacionit të zhvilluar për goditjen e kultivimit të drogës sekuestroi 2973 bimë narkotike (disa prej tyre fidanë të gatshëm për t’u kultivuar në tokë), një sasi lënde narkotike cannabis sativa, 50 llamba, pajisje ventilimi, sende të tjera që i shërbenin kësaj veprimtarie kriminale dhe 3 celularë.

 LEXONI GJITHASHTU:

• Operacion antidrogë në Lezhë, arrestohet vëllai i deputetit socialist
• Shpërthen bombola e gazit në një banesë në Lezhë, lëndohet 91-vjeçari