Vëllai i Vilson Blloshmit tregon momentin e hapjes së dosjes

Ish-i përndjekuri politik, Bedri Blloshmi ka treguar në lidhje me hapjen e dosjes së vëllait të tij, Vilsonit, i cili ka qenë gjithashtu në internim gjatë diktaturës komuniste.

Në emisionin “Now” në Euronews Albania, Bedriu u shpreh se e hapi dosjen e të vëllait, por nuk mundi të merrte fotografinë e tij.

“Të vëllait nuk ma dhanë. Kur hapa dosjen e vëllait, Vilsoni kishte një fotografi, i qethur, nuk ishte në letra, por ishte në ekran. Dhe nuk e kam marrë. Këto dosje nuk t’i hap njeri. Unë di raste për të tjerë, se e kam parë vetë. Kemi qenë në internim”, theksoi ai.

Ndërsa shkrimtari Agron Tufa denoncoi zyrtarë të diktaturës që kanë mbajtur poste të rëndësishme.

Tufa u shpreh se ligji i miratuar në Parlament i mbyll hermetikisht dosjet, ndërkohë që sipas tij, kufizohet vetëm tek bashkëpunëtorët, por nuk merret me oficerët e sigurimit të shtetit që sot drejtojnë institucione të shoqërisë.

LEXONI GJITHASHTU

• Agron Tufa flet me emra: Zyrtarët e diktaturës që morën kolltukë pushteti
• Dosja e Ahmet Zogut në komunizëm, studiuesi zbërthen detajet
• Si mbeti e paverifikuar dosja e Berishës, kush ishin ‘Trëndafili’ dhe ‘Sqepari’