“Vendim i ndikuar politikisht”, Shehi kundër Kushtetueses për listat

Kryetari i LZHK, Dashamir Shehi e cilësoi të ndikuar politikisht vendimin e Gjykatës Kushtetuese që i tha jo hapjes së listave të kërkuara nga një grup prej shtatë partish, katër deputetësh dhe “Shqipëria bëhet” e Adriatik Lapaj.

Në emisionin Now në Euronews Albania, Shehi tha se me këtë vendim demokracia shqiptare humbi një shans ndërsa gjykata humbi shansin të tregonte se është e pandikuar politikisht.

“Prisja një vendim në favor, por ne jemi në atë grup që pranojnë vendimet e gjykatave. Opinioni im është që humb një shans i madh për demokracinë shqiptare jo për partitë e vogla, të gjithë shqiptarët e humbën një shans. E dyta, ne si parti ankimuese humbëm një mundësi praktike për të bërë një listë të përbashkët. E treta, gjykata humbi një shans për t’u treguar e pavarur nga ambienti politik, por ne do respektojë vendimin e gjykatës”, tha Shehi.

LEXONI GJITHASHTU:

• Kushtetuesja la në fuqi paktin PS-PD, si do të zgjidhen deputetët në 11 maj
• Mandati i Holta Zaçaj, Kushtetuesja nuk del me vendim, seanca shtyhet sërish