Çmimi i Bitcoin-it ka pësuar një rënie të ndjeshme gjatë fundjavës, duke arritur nivelin e 91 mijë dollarëve, ndërsa muajin e kaluar kishte kulmuar me 109 mijë dollarë. Kjo luhatje e fortë është ndikuar nga tarifat e vendosura nga SHBA ndaj vendeve fqinje dhe Kinës.
Tregu i kriptomonedhave ka qenë në rënie të vazhdueshme që nga dita e parë e muajit shkurt, me Bitcoin-in—monedhën dixhitale që kryeson tregun—që ra me 7% pasi presidenti amerikan, Donald Trump, nënshkroi një urdhër ekzekutiv për vendosjen e tarifave mbi importet nga Meksika, Kanadaja dhe Kina.
Të hënën, një Bitcoin u tregtua për 95 mijë dollarë, duke shënuar një rënie mujore prej rreth 3%, ndërsa të shtunën preku nivelin më të ulët prej 91 mijë dollarësh, niveli më i ulët që nga java e dytë e janarit, pak ditë para betimit të Trumpit si President.
Përveç Bitcoin-it, edhe kriptovalutat e tjera kanë pësuar rënie të konsiderueshme. Ethereum ka shënuar një rënie mbi 20% gjatë fundjavës, ndërsa kriptovaluta “Trump Meme Coin”, e cila lidhet me presidentin amerikan, ka rënë në 18 dollarë pas një muaji në qarkullim, nga 74 dollarë që kishte arritur më 19 janar.
LEXONI GJITHASHTU:
- Pas Donald Trump, edhe Melania prezanton kriptomonedhën e saj
- Si Bitcoin shënoi rekordin e ri historik pas deklaratës së Trump
