Venezuela u kërkon linjave ajrore ndërkombëtare të rifillojnë fluturimet

Venezuela u ka kërkuar linjave ajrore ndërkombëtare të rifillojnë fluturimet drejt vendit brenda 48 orëve, përndryshe rrezikojnë të humbasin lejen për të fluturuar drejt vendit.

Disa linja ajrore kanë pezulluar fluturimet për në Venezuelë pasi rregullatori i aviacionit amerikan paralajmëroi të premten për rritje të aktivitetit ushtarak në rajon.

Paralajmërimi erdhi ndërsa SHBA-të shtuan presionin mbi qeverinë e Venezuelës, duke dërguar aeroplanmbajtësen më të madhe në botë në Karaibe jugore si pjesë e një përforcimi më të gjerë ushtarak.

Shoqata Ndërkombëtare e Transportit Ajror, IATA ka paralajmëruar autoritetin e aviacionit të Venezuelës se revokimi i lejeve të fluturimit të linjave ajrore do ta izolojë më tej vendin. Linjat Iberia e Spanjës, Air Europa dhe Plus Ultra, Gol e Brazilit, Latam e Kilit, Avianca e Kolumbisë, TAP e Portugalisë dhe Turkish Airlines kanë pezulluar fluturimet.

LEXONI GJITHASHTU:

• Nga aset në protagonist negativ, Tsipras sulmon ashpër Varoufakis në kujtimet e tij
• ANALIZA/ 3 pika ngërçi që ekzistojnë në marrëveshjen e mundshme Ukrainë-Rusi