“Veprimet e njëanshme kanë pasoja”- Escobar: Kemi qenë shumë të qartë me dinarin

I Dërguari i ShBA-së për Ballkanin Perëndimor, Gabriel Escobar, ka komentuar situatën e fundit pas vendimit të Bankës Qendrore të Kosovës për ndalimin e përdorimit të dinarit serb, por edhe planin për zbatimin e tij brenda tre muajsh. Ai ka thënë se lëvizjet e njëanshme do të kenë pasoja.

“Kemi qenë shumë të qartë që çështje të tilla duhet të zgjidhen përmes dialogut të lehtësuar nga Bashkimi Evropian dhe t’u komunikohen me kohë dhe të njoftohen qytetarët e prekur”, ka thënë Escobar për agjencinë e lajmeve Tanjug.

Diplomati i lartë amerikan është shprehur se Uashingtoni është i gatshëm të ndihmojë të dyja palët dhe se Kosova dhe Serbia duhet të kthehen në dialog.

LEXONI GJITHASHTU:

• Protestë për kthimin e dinarit, pensionistët serbë mblidhen në Mitrovicën e Veriut
• Heqja e dinarit, Kurti: S’ka asnjë masë ndëshkuese gjatë periudhës së tranzicionit